「半閱版」榕樹頭唔斷氣：VOL.10：屯門回憶｜乒乓波
「猜枱！」
細個落樓下打乒乓波，最怕就係打打吓聽到有人離遠大叫呢兩隻字，因為每次擰轉頭一望，都會見到隔離座嗰幾個熟口熟面嘅街童一副打交咁嘅樣行埋嚟。
好多公屋都會有乒乓波枱，不過呢啲枱都係石枱，無論係大細同埋枱面嘅光滑度都同社區中心入面嗰啲乒乓波枱唔同，不過叫做唔使錢，同鄰居拎兩塊波板行落街就有得玩。
當年好興呢啲「猜枱」行為，簡單啲講，就係踩場。幾條屁孩拎住幾塊上等紅雙囍波板，惡形惡相咁走埋嚟叫你哋唔好打住，然後望都唔望你就講一句
「打幾多分？三盤呀？」
通常三盤十一分局，嬴二就可以叫人走霸哂成張枱，但有時遇到太串咀嘅，點都要加多少少火花先夠刺激。
「三盤十一分，加多塊板。」
「加多塊板」呢一句，講起上嚟就好似賭神哂完冷之後再加多張八千萬嘅本票，因為我打打吓波你走埋嚟踩我場，打擾我嘅雅興，唔係諗住輸咗拍拍屎忽就可以走呀？
你哋拎塊紅雙囍嚟，我就要你放低塊紅雙囍先好走。
「喂，我呢塊靚板，你哋嗰塊咁平。」
無錯，我拎嗰塊都係紅雙囍，不過係入門廉價版，文具舖三十八蚊就買到，而對方嗰塊係靚嘢，連個盒都靚過人。
「驚呀？驚嘅唔好猜囉。」
⋯⋯想睇埋落去？
隨意門：https://pr7d8.app.goo.gl/GSAM
___________________________________________________________________
薛可正TBC文章收費平台《榕樹頭唔斷氣》現已推出
每周定時更新文章，
九月推出全新連載故事，
文字有價，多多支持。
文章列表：
1.「我的成長地」〈免費〉
2.「置樂」 〈收費〉
3.「1991年9月1」 〈收費〉
4.「隆重冷氣儀式」〈收費〉
5.「三聖神石」 〈收費〉
6.「發發」 〈免費〉
7.「跳繩、幫捉、何濟公」〈收費〉
8.「任天堂」〈收費〉
9.「友愛夜市」〈收費〉
10.「乒乓波」〈收費〉
查詢網址：tbcstory.com
*******************************************************************
IG：sithoching
Page：薛可正
Search